राज्यात मराठीच्या मुद्यावरून चांगलेच रान पेटले आहे. मीरा भायंदर येथील एका व्यापाऱ्याने मराठी बोलण्यास नकार दिल्याने मनसे कार्यकर्त्याने त्याला चांगलाच चोप दिला. यानंतर येथील व्यापाऱ्यांनी एकत्र येत मराठीच्या विरोधात मोर्चा काढला. यावरच आज उद्योगपति सुशील केडीयाने ट्विट करत थेट मनसे प्रमुख राज ठाकरेंना मराठी बोलणार काय कराल असे आव्हान दिले. आता यानंतर उपमुख्यमंत्री एकनाथ शिंदे यांनी पुण्यामध्ये जय गुजरातची घोषणा केली. यावरून आता राज्यभरातून तीव्र संताप व्यक्त केला जात आहे. आज केंद्रीय गृहमंत्री अमित शाह हे पुणे दौऱ्यावर आलेले आहे. त्यांनी येथे अनेक विकासकामांची उद्घाटन केली. या दरम्यान स्टेजवर एकनाथ शिंदे यांनी गुजरातच्या जयघोषणा दिल्या.