मुंबई महापालिकेची निवडणूक शिंदे गट खासदार श्रीकांत शिंदे यांच्या नेतृत्वाखाली लढण्यात येणार असल्याची माहिती हाती आली आहे. मुंबई महापालिकेच्या नियोजनाची जबाबदारी खासदार श्रीकांत शिंदे यांच्याकडे सोपवण्यात आली आहे. शिवसेनेमध्ये एकनाथ शिंदे यांचा चेहरा आणि श्रीकांत शिंदे यांचं नियोजन असेल. शिवेसेनेच्या मेळाव्यात विकास आणि राजकारणावर खासदार श्रीकांत शिंदे यांची मुलाखत होणार आहे. मुंबईत श्रीकांत शिंदे यांना मैदानात उतरवून आदित्य ठाकरेंना घेरण्यासाठी मास्टर प्लान आखल्याची चर्चा राजकीय वर्तुळात सुरु आहे.

स्थानिक स्वराज्य संस्था निवडणुकीच्या पार्श्वभूमीवर शिंदे गटाने सर्व मंत्र्यांवर विशेष जबाबदारी सोपवलीये. त्याचबरोबर शिंदे गटाने सर्व मंत्र्यांना कामाला लागण्याच्या सूचना देण्यात आल्या आहेत. स्थानिक स्वराज्य संस्था आणि पालिका निवडणूका डोळ्यासमोर ठेवून प्रत्येक मंत्र्यांला विभागवारनुसार 5 जिल्ह्यांची जबाबदारी सोपवण्यात आली आहे.