उपमुख्यमंत्री एकनाथ शिंदे यांनी आज साम टीव्हीच्या कार्यालयाला भेट देत गणरायाचं मनोभावे दर्शन घेतलं. त्यानंतर साम टीव्हीच्या 'ब्लॅक अँड व्हाईट' या विशेष कार्यक्रमाला मुलाखत देत संवाद साधला. एकनाथ शिंदे हे नाराज झाल्यावर दरे गावात जाऊन बसतात, असा आरोप विरोधकांकडून केला जातो. या आरोपांना उत्तर देताना एकनाथ शिंदे म्हणाले, दरेगाव माझे जन्मगाव आहे. तिथे मी शेती पिकवली आहे. मी कुठेही गेलो तरी सगळ्यांना पोटात दुखतं. मी दिल्लीला गेला तरी पोटात दुखतं. मी काश्मीरला गेलो तरी अनेकांच्या पोटात दुखतं. ते माझं जन्म गाव आहे, त्यावर माझं प्रेम आहे, असं एकनाथ शिंदे यांनी सांगितलं.