एकनाथ शिंदे आणि अमित शहा यांची पुन्हा दोन दिवसांनी दिल्लीत बैठक होणार असल्याची माहिती समोर आली आहे. कालच या दोघांची एक बैठक पार पडली होती. आता पुन्हा एकदा दिल्लीत दोन दिवसांनी एकनाथ शिंदे हे अमित शहा यांची भेट घेणार असून त्यांची बैठक पार पडणार असल्याचं सूत्रांकडून सांगण्यात आलं आहे.

एकनाथ शिंदे यांच्याकडून केंद्रीय गृहमंत्री अमित शहा यांच्यासमोर एक प्रस्ताव ठेवण्यात आला आहे. 12 कॅबिनेट सोबतच विधान परिषदेचं सभापती पद हे महत्वाचं पद या प्रस्तावातून मागीतलं गेलं आहे. हा प्रस्ताव जर मान्य झाला नाही, तर दोन दिवसांनी पुन्हा एकदा एकनाथ शिंदे आणि अमित शहा यांची दिल्लीत बैठक पार पडणार आहे. शिंदे यांनी दिलेल्या प्रस्तावावर आम्ही विचार करू असं अमित शहा आणि भाजपकडून शिंदे यांना सांगितलं गेलं आहे. त्यानंतर दोन दिवसात याबद्दल काय निर्णय घ्यायचा याची माहिती शिंदे यांना दिली जाणार आहे. मात्र यावर भाजप काय निर्णय घेईल हे पाहावं लागणार आहे. त्यानंतर भाजपच्या भूमिकेवर शिंदे यांचं समाधान झालं नाही, तर शिंदे पुन्हा दिल्लीत जाऊन केंद्रीय गृहमंत्री अमित शहा यांची भेट घेतील अशी शक्यता वर्तवली जात आहे.

Edited By : Rakhi Rajput