पुण्याप्रमाणे जळगावमध्येही हिट अँड रन ची घटना घडली होती. या घटनेवरून एकनाथ खडसे यांनी राज्य सरकारवर गंभीर आरोप केले आहेत. हे प्रकरण राजकीय दबाव आणून दडपण्याचा प्रयत्न सुरू आहे असे एकनाथ खडसे म्हणाले. तसेच या प्रकरणात अजित पवार गटाच्या जिल्हाध्यक्षाचा मुलाचा संबंध आहे असेही खडसे म्हणाले. या प्रकरणात आरोपांनी इतके दिवस हॉस्पिटलमध्ये का ठेवण्यात आलं असा सवाल खडसे यांनी विचारला. या प्रकरणी ज्या अधिकाऱ्यांनी हलगर्जीपणा केला आहे त्यांच्यावर कठोर कारवाई व्हावी आणि या प्रकरणी सखोल चौकशी व्हावी अशी मागणीही खडसे यांनी केली आहे.