साताऱ्यामधील मायणी येथील हिम्मत देशमुख यांच्या घरी ईडीचे पथक दाखल झाले आहे. मेडिकल कॉलेज आर्थिक गैरव्यवहार प्रकरणी ही चौकशी केली जात आहे. याचप्रकरणी आप्पासाहेब देशमुख आणि एम. आर देशमुख हे मागील दोन वर्षापासून ईडीच्या अटकेत आहेत. मायणी मेडिकल कॉलेज मधील MBBS बोगस ऍडमिशन आर्थिक गैरव्यवहार प्रकरणात या दोन्ही बंधूंना अटक करण्यात आली होती. हिमंत देशमुक हे यांचे पुतणे असून त्यांच्या चौकशीसाठी ईडीचे पथक हिम्मत देशमुख यांच्या निवासस्थानी दाखल झालं आहे. मायणी मेडिकल कॉलेज आर्थिक गैरव्यवहार प्रकरणात हिम्मत देशमुख यांचा सहभाग आहे का? याविषयी इडी कडून तपास सुरू असल्याची प्राथमिक माहिती समोर येत आहे. हिम्मत देशमुख यांच्या घरात सध्या महिला उपस्थित असून. घरातील सर्वांचे मोबाईल स्विच ऑफ लागत असल्याची माहिती समोर येत आहे. चौकशीबाबत मोठी गोपनीयता ठेवण्यात आली आहे.