मुंबई: लाईफलाईन असलेल्या लोकलवर देखील ह्या मुसळधार पावसाचा फटका बसला आहे. सकाळपासूनच मुंबईसह उपनगरात पावसाने हजेरी लावली आहे. अनेक भागात पाणी देखील साचलं आहे. दरम्यान तिन्ही मार्गावरील लोकल देखील विस्कळीत झाल्या आहेत. मध्य रेल्वे आणि पश्चिम रेल्वे सध्या 5 ते 10 मिनिटं उशिराने धावत आहेत. तर हार्बर लाइनवरील लोकल ह्या 10 ते 15 मिनिटं उशिराने धावत आहेत.त्यामुळे चाकरमान्यांचे मोठ्या प्रमाणात हाल होत आहेत. रेल्वे ट्रॅकवर देखील पाणी साचण्यास सुरुवात झाली आहे.