कोकणातून मोठी बातमी समोर येत आहे. लाडवली येथील पुलाचे काम अर्धवट झाल्याने प्रवाश्यांना नदीपात्रातून जीव धोक्यात घालून प्रवास करावा लागत आहे. एका School Bus च्या चालकाने नदीपात्रातून बस नेल्याचा व्हिडीओ समोर आला आहे. महाड रायगड रस्त्यावरील लाडवली येथील नदीचे पाणी पुलावरून गेल्याने महाड रायगड रस्त्यावरील वाहतुक बंद झाली आहे. येथील पुलाचे काम अर्धवट असून पाईप मोरी टाकुन या ठिकाणी तात्पुरता रस्ता बनवण्यात आला होता. मांडले विभागात जोरदार पाऊस कोसळल्याने गांधारी नदीच्या पाणी पातळीत वाढ झाली असून हे पाणी रस्त्यावरून वहात आहे. ठेकेदाराच्या दिरंगाईमुळे महाड रायगड रस्ता बंद होईल अशी भिती या आधीच वर्तवण्यात आली होती.