नंदुरबार: काही दिवसांच्या विश्रांतीनंतर नंदुरबारमध्ये पावसाने पुन्हा कमबॅक केलंय.हवामान खात्याकडून नंदुरबार जिल्ह्याला रेड अलर्ड जारी करण्यात आला होता.त्यानंतर नंदुरबार जिल्ह्यात मुसळधार पावसाला सुरुवात झालीये. सातपुड्यातून वाहणारी उदय नदीने धोक्याची पातळी ओलांडली आहे. दोन तालुक्यांना जोडणारा उदय नदीवरील पुलावरुन पुराचे पाणी वाहू लागलेय. धडगाव आणि तळोदा तालुक्यांचा संपर्क देखील तुटलाय. पुलावरुन पुराचे पाणी जात असल्याने नागरिकांना जीव धोक्यात घालून जीवघेणा प्रवास करावा लागत आहे.उदय नदीचा पुलावरून पाणी जात असल्याने वाहतुकीसाठी पूल बंद करण्यात आलाय.