मुंबईत काल (25 जुलै रोजी ) पावसाने हाहा:कार माजवला होता. अनेक ठिकाणी पाणी साचलं होतं. त्याचा मोठा फटका वाहतुकीला देखील बसला होता. आणि आजही मुंबईसह उपनगरात पावसाची संततधार सुरु आहे. त्यामुळे हवामान खात्याकडून मुंबईला ऑरेंज अलर्ट देण्यात आला आहे. दरम्यान मुंबईच्या समुद्रामध्येही उंच अशा लाटा उसळत आहेत. आज दुपारी 3.32 वाजता मुंबईच्या समुद्राला भरती येणार असल्याची शक्यता वर्तवली जात आहे. त्यावेळी 4.46 मीटर उंचीच्या लाटा उसळण्याची देखील शक्यता वर्तवली जातेय. त्यामुळे नागरिकांना समुद्राच्या जवळ जाऊ नये असं आवाहन पालिका प्रशासनाकडून करण्यात आलं आहे.