ठाणे: दिव्यातील अनधिकृत इमारतींवर कारवाई करण्यासाठी आलेल्या मनपा अधिकाऱ्यांचा ताफा स्थानिकांनी अडवला होता. ठाणे येथील दिवा या ठिकाणी अनंत पार्कवर कारवाईसाठी मनपा अधिकारी आले होते. यावेळी स्थानिकांनी आक्रमक होत त्यांचा ताफा अडवला आणि त्यांच्या विरोधात स्थानिकांनी हातात पेट्रोलच्या बाटल्या घेऊन आंदोलन केले.

दिवा पूर्वेच्या अनंत पार्कवर महापालिकेकडून तब्बल 18 वर्षांनंतर कारवाई होत आहे. या सोसायटीमधील तिसऱ्या इमारतीतील रहिवाशी आणि जागा मालक यांच्यात वाद सुरू होते. तो वाद न्यायालयात जाऊन अनंत पार्कवर अतिक्रमाणावर कारवाईचे आदेश आले. ती कारवाई थांबवण्यासाठी अनंत पार्कमधील रहिवाशी आम्ही जिव देऊ पण आमचे घर तोडू देणार अशा घोषणा देत होते.

Edited By Omkar Sonawane