एक मोठी राजकीय बातमी समोर आली आहे. आगामी विधानसभा निवडणुकीसाठी महाविकास आघाडीचे 80 टक्के जागावाटपाची चर्चा पूर्ण झाली आहे. मविआची विदर्भ सोडून उर्वरित जागावाटपाची चर्चा पूर्ण झाली असल्याची माहिती सूत्रांनी दिली आहे. मुंबई, कोकण, मराठवाड्यातील जागांवर सविस्तर चर्चा झाली असल्याचं सूत्रांनी सांगितलं. तिढा असलेल्या जागांवर महाविकास आघाडीतील तिन्ही पक्षांकडून एक एजन्सी नेमून ज्यांची जिथे जास्त ताकद आहे, त्या पक्षाला ती जागा देण्यात येणार आहे. जागावाटपात 2019 च्या विधानसभा निवडणुकीत जिंकलेल्या जवळपास जागा त्याच पक्षाला मिळणार आहे. जिंकलेल्या जागांमध्ये दहा ते वीस टक्के बदल केला जाणार आहे, अशी माहितीही सूत्रांनी दिली.

दरम्यान, पहिल्या बैठकीत मुंबई -कोकण आणि त्यानंतर मराठवाडा पश्चिम महाराष्ट्र उत्तर महाराष्ट्र या विभागातील विधानसभा मतदारसंघातील जागांवर सविस्तर चर्चा महाविकास आघाडीच्या नेत्यांमध्ये पार पडली. विदर्भातील विधानसभा जागांवर पुढील बैठकीत चर्चा होऊन त्या संदर्भात सुद्धा लवकरच निर्णय घेतला जाणार