नाशिक पश्चिम मतदारसंघातून मोठा ट्विस्ट समोर आला असून या ठिकाणावरून भाजपमध्ये पहिली बंडखोरी झाली आहे. भाजपचे दिनकर पाटील हे आता मनसेच्या वाटेवर आहेत. आज संध्याकाळी 6 वाजता ते राज ठाकरे यांच्या उपस्थितीत महाराष्ट्र नवनिर्माण सेनेत पक्षप्रवेश करणार आहेत. लोकसभेनंतर विधानसभेला देखील डावलण्यात आल्यानं नाराज दिनकर पाटील यांनी आता बंडखोरी करत भाजपला रामराम ठोकण्याचा निर्णय घेतला आहे.

दिनकर पाटील हे लोकसभा निवडणुकीत देखील निवडणूक लढवण्यात इच्छुक होते. त्यावेळी देखील त्यांना डावलण्यात आलं होतं. त्यांनंतर ते विधानसभेत देखील नाशिक पश्चिममधून इच्छुक होते. मात्र यावेळी देखील त्यांना उमेदवारी देण्यात आलेली नाही. त्यामुळे आता दिनकर पाटील यांनी बंडखोरी करत मनसेची वाट धरली आहे. दिनकर पाटील यांचं नाशिक पश्चिममध्ये मोठं प्रस्थ आहे. अशातच ते आज संध्याकाळी ते 6 वाजता राज ठाकरे यांच्या उपस्थितीत मनसेत प्रवेश करणार आहेत. याचा मनसेला फायदा होईल का हे पाहाणं महत्वाचं ठरेल.

Edited By Rakhi Rajput