धुळे शहरात जुन्या वादातून गोळीबार झाल्याची घटना समोर आली आहे. राजकमल टॉकीज परिसरात दोन गटात झालेल्या गोळीबारातएक तरुण जखमी झालाय. गोळीबाराच्या घटनेनंतर परिसरात खळबळ उडाली. पोलिसांकडून या प्रकरणाचा तपास सुरू आहे. संशयितांची पोलिसांकडून धरपकड करण्यात येत आहे. आरोपींच्या शोधासाठी काही ठिकाणी पोलिसांनी नाकेबांदी देखील केलेली आहे. हाती आलेल्या माहितीनुसार, जुन्या वादातून दोन गट आमनेसामने आले. त्यांच्यात आधी वादावादी झाली त्यानंतर तुंबळ हाणामारी झाली, हाणामारीचं रुपांतर गोळीबारात झालं.