मुख्य निवडणूक आयुक्त ज्ञानेश कुमार यांच्याविरोधात दिल्लीतील जंतर-मंतरवर होणाऱ्या 'कॉकरोच जनता पार्टी' (CJP) च्या आंदोलनापूर्वीच पोलीस प्रशासन अलर्ट मोडवर आले आहे. शनिवारी सकाळी दिल्ली पोलिसांनी प्रसिद्ध युट्यूबर ध्रुव राठी याला त्याच्या गुरुग्राम येथील राहत्या घरातून ताब्यात घेतले आहे. आंदोलनात सहभागी होण्यासाठी जर्मनीहून ध्रुव राठी काही दिवसांपूर्वीच भारतात आला होता. पण सुरक्षेचे कारण देत पोलिसांनी दिल्लीत मोठ्या आंदोलनाला परवानगी नाकारली आहे. तसेच कोणताही अनुचित प्रकार घडू नये म्हणून ही धडक कारवाई केल्याचे बोलले जात आहे.