धाराशिव जिल्ह्यात मुसळधार पावसामुळे हवामान विभागाकडून रेड अलर्ट जाहिर करण्यात आला आहे. अतिमुसळधार पावसामुळे खबरदारीचा उपाय म्हणून जिल्हाधिकारी यांनी सर्व शाळा आणि कॉलेजना सुट्टी जाहीर करण्यात आली आहे. गेल्या काही दिवसांपासून जिल्ह्यात पावसाने जोर धरला असून अनेक ठिकाणी पाणी साचणे, वाहतुकीत अडथळे अशी परिस्थिती निर्माण झाली आहे. हवामान विभागाने पुढील काही तासांत अतिजोरदार पावसाची शक्यता वर्तवली आहे. संभाव्य धोका लक्षात घेऊन विद्यार्थ्यांच्या सुरक्षेसाठी हा निर्णय घेण्यात आला आहे. नागरिकांना अनावश्यक घराबाहेर न पडण्याचे आणि सुरक्षित स्थळी राहण्याचे आवाहन प्रशासनाकडून करण्यात आले आहे.