माझगाव सत्र न्यायालयाने माजी मंत्री धनंजय मुंडे यांना झटका दिला आहे. करुणा शर्मा यांच्या विरोधात दाखल करण्यात आलेली धनंजय मूंडेंची याचिका आज न्यायालयाने फेटाळली. न्यायालयाने करुणा मुंडे यांच्या बाजूने निकाल देत कौटुंबिक न्यायालयाचा निर्णय कायम ठेवला आहे. मुंबईतील कौटुंबिक न्यायालयाने करुणा मुंडेच धनंजय मुंडे यांच्या पत्नी आहे असा निकाल दिला होता. तसेच धनंजय मुंडे यांनी करुणा मुंडे यांना महिन्याला 2 लाख रुपयांची पोटगी देण्याचे आदेश दिले होते.त्या निकालाविरोधात धनंजय मुंडे यांनी माझगाव न्यायालयात आव्हान याचिका दाखल केली होती.आज त्या प्रकरणाची सुनावणी पार पडली आणि न्यायालयाने करुणा मुंडे यांच्या बाजूने निकाल कायम ठेवत धनंजय मुंडे यांना धक्का दिला.