Dhananjay Munde Meet Manoj Jarange : कृषिमंत्री धनंजय मुंडे यांनी मनोज जरांगे पाटील यांची रात्री अडीच वाजता अंतरवाली सराटी येथे भेट घेतली. जवळपास तासभर धनंजय मुंडे तिथे होते. रात्री अडीच वाजल्यापासून ते साडेतीन वाजेपर्यंत धनंजय मुंडे आणि मनोज जरांगे पाटील यांच्यामध्ये विविध मुद्द्यावरून चर् झाल्याचं समोर आले आहे. धनंजय मुंडे आणि मनोज जरांगे यांच्यामध्ये झालेल्या चर्चेचा तपशील अजून पुढे आला नाही. मात्र आज मनोज जरांगे पाटील यांची परळीमध्ये बैठक होणार आहे. या बैठकीला मोठ्या संख्येने परळी, अंबाजोगाई आणि माजलगाव परिसरातील मराठा बांधव येतील अशी शक्यता आहे. त्या पार्श्वभूमीवर ही भेट घेतली असल्याची चर्चा आहे.

धनंजय मुंडे आणि मनोज जरांगे यांच्यामधील भेट पूर्णपणे गुप्त ठेवण्यात आली. या भेटीचा फोटो काढू दिला नसल्याचे समोर आले आहे. भेटीचं नेमकं कारण काय, याबाबत अद्याप कोणतीही माहिती समोर आलेली नाही.