उपमुख्यमंत्री अजित पवार आज बीड जिल्हा दौऱ्यावर आहेत. ते आज झालेल्या रेल्वेच्या उद्घाटनासाठी आणि मराठवाडा मुक्तीसंग्राम दिनाच्या ध्वजारोहणासाठी बीडमध्ये मुक्कामी होते. बीडमध्ये आल्यानंतर त्यांनी अतिवृष्टी संदर्भातली बैठक घेतली आणि यानंतर जिल्हाधिकारी कार्यालयात नागरिकांचे अनेक निवेदने स्वीकारले. यावेळी रेल्वे पुलाच्या संदर्भात तक्रार घेऊन एक व्यक्ती निवेदन घेऊन तिथे आला होता. अनेक निवेदने स्वीकारल्यानंतर आमदार धनंजय मुंडे हे रेल्वे संदर्भात निवेदन घेऊन आलेल्या व्यक्तीवर संतापले आणि चला रे लवकर चला.‌. बस झाले ना दादा.. असे म्हणत त्यांनी त्या व्यक्तीवर संताप व्यक्त केला.