राष्ट्रवादी काँग्रेस अजित पवार गटाचे नेते आणि माजी मंत्री धनंजय मुंडे यांनी करुणा शर्मा यांना दर महिन्याला 2 लाखांची पोटगी देण्याच्या वांद्रे सत्र न्यायालयाच्या अंतरिम आदेशाविरोधात दाखल केलेल्या याचिकेवर आज माझगाव सत्र न्यायालयात सुनावणी पार पडली. या सुनावणी दरम्यान धनंजय मुंडे यांच करुणा शर्मा यांच्यासोबत झालेल लग्न हे अधिकृत नाही असा युक्तिवाद मुंडे यांच्या वकिलांनी केला. धनंजय मुंडे यांचे करुणा शर्मा यांच्यासोबत लग्न झाले ज्याचे तुमच्याकडे पुरावे आहे का? असा प्रश्न न्यायाधीशांकडून करुणा शर्मा यांच्या वकिलाला विचारण्यात आला. यावर हे सगळे पुरावे आम्ही सादर करू. आम्हाला वेळ द्या असे करुणा शर्मा यांच्या वकिलांनी सांगितले. याबाबतची पुढची सुनावणी 5 एप्रिलला होणार आहे.