नाशिक: सरपंच संतोष देशमुख हत्येचा मुख्य आरोपी वाल्मीक कराड हा माजी मंत्री धनंजय मुंडे यांचा निकटवर्ति असल्याने मुंडे यांना आपल्या मंत्रीपदाचा राजीनामा द्यावा लागला होता. यानंतर मुंडे हे राजकीय आणि सामाजिक कार्यक्रमात देखील अनुपस्थित राहायचे. यानंतर ते मन शांती करण्यासाठी नाशिक जिल्ह्यातील इगतपुरी येथील विपश्यना केंद्रात जाऊन ध्यान धारणा करण्यासाठी दाखल झाले होते.

आज ते इगतपुरी येथील विपश्यना केंद्रातील 10 दिवसांची साधना पूर्ण करू पहाटे आपल्या निवासस्थानी रवाना झाले. 21 ते 1 तारखेपर्यंत असलेल्या या दहा दिवसीय शिबिरात त्यांनी आत्मशांतीसाठी आना पान ही साधना केली. काल मंगलमैत्री हा साधनेचा शेवटचा दिवस होता ह्या दिवशी सर्व साधना करणारे साधक एकमेकांना भेटतात. आपला परिचय देतात मात्र, धनंजय मुंडे काल कोणालाही भेटले नाही त्यांनी आपल्या कक्षात राहणे व साधनाच करणेच पसंत केले.