तिरूपती बालाजी येथील प्रसादाच्या लाडूमध्ये प्राण्यांच्या चरबीचे तूप वापरण्याचा वाद अद्याप मिटलेला नसतानाच आता एका भक्ताने इथल्या प्रसादात किडे सापडल्याचा आरोप केला आहे. त्यामुळे तिरूपती बालाजी मंदिरातील प्रसादाचा वाद काही थांबण्याची चिन्हं दिसत नाही आहेत.

तिरूपती बालाजी मंदिरातील दुपारच्या जेवणात किडे आढळून आल्याचा दावा एका भक्ताने केला आहे. त्यामुळे खळबळ उडाली आहे. काही दिवसांपासून तिरूपती बालाजी येथील लाडवाच्या प्रसादात प्राण्यांच्या चरबीचे तूप वापरले जात असल्याचा वाद सुरू असतानाच आता हा नवीन वाद सुरू झाला आहे. मात्र मंदिर प्रशासनाने भक्ताचा हा दावा खोटा असल्याचं म्हंटल आहे. आधी चरबी युक्त तूप वापरल्याचा दावा खरा निघाला होता. त्यानंतर आता पुन्हा हा वाद समोर आल्याने साशंकता भक्तांमध्ये दिसून येत आहे.