वरळी दहीहंडीला मुख्यमंत्री देवेंद्र फडणवीस उपस्थित

"महानगरपालिकेत पापाची हंडी फोडली आहे" – फडणवीस

"लोणी कोणी खाल्लं, जनतेला माहिती आहे" – विरोधकांवर अप्रत्यक्ष हल्ला

"आता विकासाची हंडी लागेल आणि त्याचं लोणी जनतेपर्यंत पोहोचेल" – फडणवीस

महाराष्ट्रासह विशेषतः मुंबईमध्ये आज दहीहंडीचा मोठा उत्साह पाहायला मिळत आहे. वरळी येथील जांबोरी मैदानातील दहीहंडीला मुख्यमंत्री देवेंद्र फडणवीस यांनी भेट दिली आणि माध्यमांशी संवाद साधत ते म्हणाले, महानगरपालिकेत परिवर्तन अटळ आहे. महानगपालिकेतील पापाची हंडी आम्ही फोडली आहे. आता त्या ठिकाणी विकासाची हंडी लागेल. त्या विकासाच्या हंडीतले लोणी आहे ते सामान्यपर्यंत पोहोचवण्याचा प्रयत्न करणार आहे. इतकी वर्ष लोणी कुठेणजात होते? असा प्रश्न पत्रकारांनी विचारला. त्यावर देवेंद्र फडणवीस म्हणाले की, कुठे जात होते, तुम्हाला माहीत आहे. तुम्ही माझ्या तोंडातून काढून घेण्याचा प्रयत्न करताय पण जनतेला माहित आहे, लोणी कोणी खाल्लं असा टोला त्यांनी विरोधकांना लगावला.