राज्या मुसळधार पावसाने हजेरी लावली आहे. पावसाच्या स्थितीचा उपमुख्यमंत्री देवेंद्र फडणवीस यांनी आढावा घेतला आहे. पुणे, मुंबई तसेच राज्यातील इतर भागांचा आढावा फडणवीस यांनी घेतला असून प्रशासनाला सतर्क राहण्याचे आदेश देखील त्यांनी दिले आहेत. पुण्यात NDRF च्या 2 टीम तैनात करण्यात आल्या आहेत. तर एकतानगर भागात 11 बोटींनी नागरिकांना सुरक्षित ठिकाणी हलविण्यात येत आहे. आपत्ती व्यवस्थापनातील सर्व चमूंना सज्ज राहण्यास सांगण्यात आले असून नागरिकांनी घाबरून जाऊ नये, असेही आवाहन उपमुख्यमंत्री देवेंद्र फडणवीस यांनी केले आहे.