Decomposed Body Found Inside Car Near Sarasbaug in Pune : सारसबाग परिसरामध्ये नेहरू स्टेडियम समोर उभ्या असलेल्या एका कारमध्ये एका अनोळखी इसमाचा कुजलेला मृतदेह आढळून आलाय. गेल्या दोन ते तीन दिवसांपासन ही कार एकाच ठिकाणी उभी होती. कार मधन दुर्गंध येऊ लागल्यामुळे हा प्रकार उघडकीला आला. या घटनेची माहिती मिळताच पोलीस घटनास्थळी दाखल झालेले आहे दरम्यान मृत्यूच गुढ हे अद्याप सुद्धा कायम आहे पुण्यामधल्या सारसबागे समोरच ही घटना आहे.

गेल्या दोन ते तीन दिवसांपासून एकाच ठिकाणी उभी असलेल्या कारमधून शुक्रवारी सकाळी दुर्गंधी येऊ लागली. त्यानंतर नागरिकांनी पोलिसांना माहिती दिली. स्वारगेट पोलिसांनी घटनास्थळी धाव घेतली. फॉरेन्सिक पथकाकडून तपासणी करण्यात आली.मृत्यूचे नेमके कारण अद्याप स्पष्ट झालेले नाही. हा घातपात आहे की अन्य काही कारण, हे शवविच्छेदन अहवालानंतर स्पष्ट होणार आहे. पोलिसांकडून पुढील तपास सुरू आहे.