अनेकजण किरकोळ आजारांसाठी, जसे की अंगदुखी, सर्दी, खोकला किंवा डोकेदुखी, थेट मेडिकलमधून औषधे घेतात. मात्र, अनेकदा या औषधांचे विपरीत परिणाम दिसून येतात. विशेषतः पाच विशिष्ट पेनकिलरचा रुग्णांवर प्रतिकूल प्रभाव झाल्याचे आढळले आहे.औषधांमुळे नागरिकांच्या किडनी आणि मोठे आतडे तसेच लिवरवर परिणाम होत आहे. खासकरून ज्यांना शुगर, हृदयाचे आजार, कॅन्सर आहे अशा रुग्णानी वैद्यकीय सल्ल्यानुसार हे औषधे न घेण्याचे आवाहन आरोग्यविभागाने केले आहे.

यासंदर्भात, भारतीय औषध प्रणाली आयोगाने देशभरातील डॉक्टरांना या औषधांचे दुष्परिणाम त्यांच्या संकेतस्थळावर नोंदविण्याचे आवाहन केले आहे. तसेच, आरोग्य विभागाने नागरिकांना कोणतेही औषध किंवा गोळ्या घेण्यापूर्वी डॉक्टरांचा सल्ला घेण्याचे आवाहन केले आहे, जेणेकरून संभाव्य धोका टाळता येईल.