भरवस्तीतील सकाळी ही पाच मजली इमारत आली पाडण्यात आली. सुदैवाने कोणतीही मनुष्यहानी झाली नाही. जेजुरी शहरातील खोमणे आळीतील बांधकामाधीन इमारत काल सायंकाळी पाच वाजण्याच्या सुमारास धोकादायकरीत्या झुकली होती .जेजुरी नगरपरिषदने अग्निशमन दल व रुग्णवाहिका सज्ज ठेवण्यात आली. पोलिसांची तातडीची घटनास्थळी घाव घेवून रहिवाशांचे सुरक्षित स्थलांतर केले.

सुरक्षा बॅरिकेट लावून रहदारी थांबविण्यात आली. जेजुरी शहराच्या मध्यवर्ती ठिकाणी खोमणे आळी परिसरात काल सायंकाळी अंदाजे 5 वाजता बांधकाम सुरू असलेली पाच मजली इमारत अचानक एका बाजूला धोकादायकरीत्या झुकल्याने परिसरात खळबळ उडाली. वेळीच घेतलेल्या उपाययोजनांमुळे संभाव्य अनर्थ टळला. घटनेची माहिती मिळताच अग्निशमन दल आणि जेजुरी पोलीस स्टेशनचे अधिकारी आणि नगरपरिषदेचे आधिकरी कर्मचारी घटनास्थळी दाखल झाले.

परिसरातील नागरिकांची सुरक्षितता लक्षात घेऊन इमारती भोवतालचा परिसर तात्काळ बंद करण्यात आला. तसेच शेजारील रहिवाशांचे सुरक्षित स्थळी स्थलांतर करण्यात आले. पहाटे पुणे महानगर पालिकेचे कटर्स दाखल झाले. सकाळी आठ वाजता इमारत पाडण्याचे काम सुरू झाले आणि क्षणार्धात पाच मजली इमारत खाली कोसळली.