दादरमधील शिवाजी पार्क मैदानावरील मासाहेब मीनाताई ठाकरे यांच्या पुतळ्याजवळ आज सकाळी एका अज्ञात इसमाने लाल रंग फेकल्याने राज्यात तणाव निर्माण झाला आहे. शिवसेना आणि मनसेच्या कार्यकर्त्यांनी घटनास्थळी धाव घेत निषेध व्यक्त केला आणि याठिकाणी शिवसेना उद्धव ठाकरे गटाचे प्रमुख उद्धव ठाकरे यांनी जाऊन पाहणी केली.

सर्वच शिवसैनिकांमध्ये त्यांच्यासाठी अतिशय आदर आहे. शिवाजी पार्कला येणार प्रत्येक शिवसैनिक हा मीनाताई ठाकरे यांच्या पुतळ्यासमोर नतमस्तक होत असतो.

मात्र आज या पुतळ्यावर सकाळी कुणीतरी लाल रंग टाकल्याचे समजले. हे कळताच शिवसैनिकांनी शिवाजी पार्क मैदानात गर्दी करून जोरदार निषेध व्यक्त केला. या घटनेची सरकारने गंभीर दखल घेत त्या इसमावर कडक कारवाई केली जाईल अशी ग्वाही दिली. या सगळ्याची कसून चौकशी केली जात असून घटनास्थळी फॉरेन्सिकची टीम दाखल झाली आहे.