यवतमाळ जिल्ह्यात चक्रीवादळ धडकले आहे. या वादळात टीनचे पत्रे उडाले आणि या घटनेत तीन जण जखमी झाले आहेत. यवतमाळच्या आर्णी आणि महागाव तालुक्यात चक्रीवादळ आले. या वादळात शेतीचे आणि घराचे मोठ्या प्रमाणात नुकसान झाले आहे. पाभळ भागात २५ घरांची पडझड झाली आहे. तर हजारो झाडे उन्मळून पडली आहेत. एका ठिकाणी पत्रा उडाल्याने समाधान भुरके यांचा हात कापला गेला आहे. पत्रा लागून आणखी दोन जण जखमी झाले आहेत. वादळामुळे विद्युत खांबही पडले असून वीज खंडित झाली आहे.