जागतिक बाजारपेठेतून सर्वसामान्यांची चिंता वाढवणारी बातमी समोर आली आहे. कच्च्या तेलाच्या किमतीत मोठी उसळी पाहायला मिळत आहे. ब्रेंट क्रूड ऑईल प्रति बॅरल 126 डॉलरच्या पार गेलेत. अवघ्या एका दिवसात तेलाच्या दरात 7 टक्क्यांची वाढ झालीय. मार्च 2022 नंतरचा हा सर्वात मोठा उच्चांकी दर आहे. केवळ एका आठवड्यापूर्वी 100 डॉलरलवर असलेलेल तेलाचे दर आता 126 डॉलरवर पोहोचलेत. इंधन दरवाढीच्या या भडक्यामुळे येत्या काळात भारतामध्ये पेट्रोल आणि डिझेलच्या किमती वाढण्याची दाट शक्यता निर्माण झाली आहे. त्यामुळे सर्वसामान्यांच्या खिशावर ताण येण्याची शक्यता आहे.

इराण- अमेरिका युद्धामुळे गेल्या १ महिन्यांपासून कच्च्या तेलाच्या दरामध्ये चढ-उतार पाहायला मिळत आहे. या युद्धामुळे कच्च्या तेलाची वाहतूक बंद झाली होती. त्यामुळे भारतामध्ये पेट्रोल-डिझेल आणि एलपीजीचा तुटवडा निर्माण झाला होता. अशातच आता कच्च्या तेलाच्या किमतीत वाढ झाल्यामुळे पट्रोल-डिझेलच्या दरात देखील वाढ होण्याची शक्यता आहे.