Ajit Pawar to contest Thane municipal election alone : ठाणे महानगरपालिकेच्या निवडणुका जाहीर होताच महायुतीमध्ये मिठाचा खडा पडलाय. ठाण्यामध्ये अजित पवारांच्या राष्ट्रवादीने महायुतीची साथ सोडली आहे. अजित पवार यांनी ठाणे मनपा निवडणूक स्वबळावर लढण्याचा निर्णय घेतला आहे.

अजित पवारांच्या राष्ट्रवादीनं महायुतीची साथ सोडलीय. अजित पवार यांनी ठाणे महापालिका स्वबळावर लढण्याचा नारा दिलाय. ठाण्यात राष्ट्रवादी काँग्रेसनं स्वबळावर लढण्याची घोषणा केलीय. स्थानिक पातळीवर पदाधिकार्‍यांची आणि कार्यकर्त्याचं एकमत होत नसल्याने पवार यांनी स्वबळाचा नारा दिला आहे. राष्ट्रवादीचे शहराध्यक्ष नजीब मुल्ला यांनी पत्रकारांशी बोलताना याबाबतची माहिती दिली. त्यामुळे ठाण्यात महायुतीत बिघाडी झाली असल्याचे दिसून येत आहे. त्याशिवाय पुणे आणि पिंपरी चिंचवडमध्येही अजित पवार स्वबळावर लढण्याची शक्यता आहे.