सिंगापूर आणि हाँगकाँगनंतर आता भारतात देखील कोरोनाने डोकवर काढले आहे. देशाची राजधानी दिल्लीसह 11 राज्यामध्ये कोरोनाचे रुग्ण सापडत असल्याने ही एक चिंतेची बाब ठरत आहे. मात्र आरोग्यतज्ञांच्या मते हा नवीन स्ट्रेन इतका धोकादायक नसून नागरिकांनी घाबरून जाऊ नये असा सल्ला दिला आहे. परंतु इतर आजार असलेल्या लोकांनी काळजी घ्यावी असा सल्ला दिला आहे.

आर्थिक राजधानी मुंबईमध्ये 53 नव्या रुग्णांची नोंद झाली आहे. चार महिन्याच्या बाळाला कोरोनाची लागण झाली असून त्याला के.जे. सोमय्या रुग्णालयात दाखल करण्यात आले आहे. श्वासोच्छवासाचा त्रास या बाळाला झाला आणि यावेळी त्याची तपासणी केल्यानंतर त्याला कोरोना झाल्याचे आढळून आले आहे.