मनोज जरांगे पाटील यांना कोर्टाकडून दिलासा मिळाला आहे. कोर्टाने त्यांचे अटक वॉरंट रद्द केले आहे. 2013 च्या प्रकरणात जरांगे पाटील यांच्याविरोधात हे अटक अटक वॉरंट जारी करण्यात आले होते. कोर्टाच्या आदेशानेच हा गुन्हा दाखल केला होता. या खटल्याप्रकरणी कोर्टाने जरांगे पाटलांवर दोनदा समन्स बजावले होते. पण घरी नसल्यामुळे त्यांना हे समन्स मिळाले नव्हते. त्यामुळे कोर्टाने जरांगे पाटलांविरोधात अजामीपात्र अटक वॉरंट काढले होते. जरांगे पाटील यांनी आज कोर्टात हजेरी लावली. तेव्हा कोर्टाने 500 रुपयांचा दंड आकारून हे वॉरंट रद्द केले आहे.