राज्यात विधानसभा निवडणूक जाहीर झाली आहे. याच दरम्यान एक मोठी राजकीय बातमी समोर आली आहे. ठाकरे गट आणि काँग्रेसमध्ये टोकाचे मतभेद झालेत, अशी माहिती सूत्रांनी दिली आहे. महाविकास आघाडीच्या आगामी बैठकांमध्ये नाना पटोले असतील तर यापुढे बैठका होणार नाहीत, अशी आक्रमक भूमिका ठाकरे गटानं घेतल्याची माहिती सूत्रांनी दिलीय. त्यामुळे महाविकास आघाडीत जागावाटपावरुन वाद विकोपाला गेल्याचं पाहायला मिळतंय. आता ठाकरे गटाच्या या भूमिकेनंतर नाना पटोले काय बोलणार हे पाहावं लागेल.

दरम्यान, काँग्रेसमुळे मविआतील जागावाटप अडलं, असा अप्रत्यक्ष आरोप संजय राऊतांनी केलाय. काँग्रेसनं जागावाटपाचा निर्णय राज्यात घेतल्यास वेगानं होतील, असं राऊतांनी म्हटलंय. दुसरीकडे त्यांचे नेते राज्यात आहेत, तर आमचे दिल्लीत असल्याचा टोला नाना पटोलेंनी लगावलाय.