दोन-तीन दिवसापूर्वी झालेल्या संततधार पावसामुळे द्राक्ष उत्पादक शेतकऱ्यांची डोकेदुखी वाढली. द्राक्ष बागेत पावसाचे पाणी साचल्याने द्राक्ष बागेंना तळ्याचे स्वरूप आले असून द्राक्षांवर करपा, मावा या रोगांचा प्रादुर्भाव होण्याची शक्यता वर्तवली जात आहे. द्राक्षांची पंढरी म्हणून ओळखल्या जाणाऱ्या नाशिक जिल्ह्यातील निफाड तालुक्यातील द्राक्ष उत्पादकांच्या डोकेदुखीत वाढ झाली आहे गेल्या दोन-तीन दिवसापूर्वी पिंपळगाव बसवंत व परिसरातील गावात झालेल्या संततधार पावसामुळे पाण्याचा निचरा न झाल्याने द्राक्ष बागेंना तळ्याचे स्वरूप प्राप्त झाले आहे,यामुळे द्राक्ष बागेच्या मुळ्या चोकप होणे, द्राक्ष बागेवर करपा, मावा या रोगांचा प्रादुर्भाव होत उत्पादनात घट होईल आणि झालेले खर्चही वसूल होईल की नाही ही भीती द्राक्ष उत्पादक शेतकरी व्यक्त करत आहे.