मुंबईत ठाकरे गट विरुद्ध काँग्रेस वाद चव्हाट्यावर आला आहे. मुंबई दक्षिण मध्य मधून ठाकरे गटाने अनिल देसाई यांना उमेदवारी जाहीर केली आहे. त्यांच्याविरोधात शिंदे गटाचे विद्यमान खासदार राहुल शेवाळे उभे आहेत. काँग्रेस या जागेवरून वर्षा गायकवाड यांना उमेदवारी द्यावी यासाठी आग्रही होते. पण ठाकरे गटाने ही जागा आपल्याकडे खेचून घेतली. त्यामुळे काँग्रेसेचे स्थानिक पदाधिकारी नाराज होते. आता अनिल देसाई जेव्हा प्रचारासाठी आले तेव्हा त्यांच्यात आणि काँग्रेस कार्यकर्त्यांमध्ये बाचाबाची झाली. आणि देसाई यांना काढता पाय घ्यावा लागला.