फलटण येथील महिला डॉक्टरच्या मृत्यू प्रकरणावरून काँग्रेस आक्रमक झाली असून, त्यांनी थेट मुख्यमंत्री देवेंद्र फडणवीस यांचा शासकीय निवासस्थान असलेल्या वर्षा बंगल्याला घेराव घालण्याचा इशारा दिला आहे. मुंबई आणि महाराष्ट्र प्रदेश युवक काँग्रेसच्यावतीने उद्या दुपारी बारा वाजता गिरगाव चौपाटी येथे हे आंदोलन करण्यात येणार आहे. या आंदोलनाच्या माध्यमातून कार्यकर्ते मुख्यमंत्री निवासस्थानाला घेराव घालण्याचा प्रयत्न करतील. फलटणमधील डॉक्टरने आत्महत्या करण्यापूर्वी लिहिलेल्या चिठ्ठीत पोलीस अधिकाऱ्यांवर गंभीर आरोप केल्याने हे प्रकरण चांगलेच तापले आहे. त्याचे पडसाद आता थेट मुंबईतही उमटत आहेत.