सातारा जिल्ह्यातील फलटण येथील महिला डॉक्टर प्रकरणामुळे काँग्रेस आक्रमक झाली आहे. या प्रकरणी न्यायाच्या मागणीसाठी काँग्रेसने आज मुंबईतील गिरगाव चौपाटीवर आंदोलन केले आणि मुख्यमंत्री निवासस्थान असलेल्या 'वर्षा' बंगल्याला घेराव घालण्याचा इशारा दिला. या आंदोलनादरम्यान, काँग्रेस नेते सचिन सावंत यांच्यासह अनेक कार्यकर्त्यांना पोलिसांनी ताब्यात घेतले आहे. टोकाचंं पाऊल उचललेल्या डॉक्टरांनी लिहिलेल्या चिठ्ठीत पोलीस अधिकाऱ्यांवर लैंगिक शोषण आणि मानसिक छळाचे गंभीर आरोप केले आहेत. तसेच या प्रकरणामध्ये राजकीय व्यक्तीचे देखील नाव समोर आले होते. ज्यामुळे राज्यभरात संतापाची लाट उसळली आहे.