राहुल गांधी यांच्या विरोधात केलेल्या वक्तव्याच्या निषेधार्थ गुरुवारी काँग्रेसने राज्यभरात सर्वत्र भाजप विरोधात जोडे मारो आंदोलन सुरू केलं आहे. यावेळी बोंडे आणि गायकवाड यांच्या निषेधार्थ भाजप विरोधात सुरू असलेल्या या आंदोलनात मुंबईतील कुलाबा भागातील विधानसभा अध्यक्षांच्या घरासमोर पोलिस आणि आंदोलकांत धरपकड झाली. यावेळी आंदोलकांनी जोरदार घोषणाबाजी केली.

विरोधी पक्षनेते राहुल गांधी यांच्या विरोधात शिंदे गटाचे आमदार संजय गायकवाड यांनी राहुल गांधी यांच्यावर गंभीर टीका केली होती. त्यानंतर बुधवारी भारतीय जनता पक्षाचे खासदार डॉ. अनिल बोंडे यांनी देखील राहुल गांधी यांची जीभ छाटू नये तर त्यांच्या जिभेला चटके दिले पाहिजे असं वादग्रस्त वक्तव्य केलं. त्यामुळे काँग्रेसने आक्रमक पवित्रा घेत बोंडे आणि गायकवाड यांच्या यांच्याविरोधात जोडे मारो आंदोलन सुरू केलं आहे. त्याच पार्श्वभूमीवर मुंबईतील विधानसभा अध्यक्षांच्या घरासमोर सुरू असलेल्या आंदोलनात पोलिस आणि आंदोलकांत धरपकड झाली. त्यामुळे संतप्त आंदोलकांनी जोरदार घोषणाबाजी केली.