भंडारा जिल्ह्यामध्ये जोरदार पावसामुळे पूरस्थिती निर्माण झाली आहे. तर दुसरीकडे भंडारा गोंदिया जिल्ह्याचे खासदार प्रशांत पडोळे हे रिल्स बनवण्यामध्ये व्यस्त आहेत. प्रशांत पडोळे यांच्या पुराच्या पाण्यात स्टंट करताना व्हिडिओ सध्या सोशल मीडियावर व्हायरल होत आहे. कारच्या बोनेटवर बसून ते स्टंटबाजी करताना या व्हिडीओमध्ये दिसत आहे. हा व्हिडीओ व्हायरल झाल्यानंतर आता प्रशांत पडोळे यांच्यावर टीकेच झोड सुरू झाली आहे.

भंडारा जिल्ह्यात पावसाने उसंती घेतली असली तरी पूर परिस्थिती अजून कायम आहे. तुमसर तालुक्यातील पूर परिस्थितीच्या पाहणी करण्यासाठी खासदार प्रशांत पडोळे आले होते. यादरम्यान त्यांनी पूराच्या पाण्यामध्ये स्टंटबाजी केली. त्यांच्याच कार्यकर्त्यांनी हे रिल्स तयार केले होते. जे सध्या व्हायरल होत आहे. यावरू जनता पूराने त्रस्त आणि खासदार रिल्स बनवण्यात व्यस्त असल्याचे म्हटले जात आहे. एकीकडे भंडाऱ्यामध्ये नागरिक पूर परिस्थितीचा सामना करत आहेत. तर खासदार रिल्स काढत असल्यामुळे नागरिकांनी रोष व्यक्त केला आहे.