संजय राऊत याच्या अंगात आले आणि सरकार आले. पण अडचण एवढी झाली की राऊताच्या अंगातील कधी उतरलेच नाही म्हणून सरकार गेले, अशी टीका विश्वजित कदम यांनी संजय राऊत यांच्यावर केली आहे. गेल्या वेळी मी निवडून आलो आणि सरकार येईल असं वाटत नव्हतं. मी विनोदाने म्हणत असतो, संजय राऊत यांच्या अंगात आलं आणि सरकार आलं. पण अडचण एवढी झाली की राऊताच्या अंगातील कधी उतरलंच नाही म्हणून सरकार गेलं, असं वक्तव्य विश्वजित कदम यांनी केलं, ते सांगलीच्या कडेगाव तालुक्यात प्रचार सभे दरम्यान बोलत होते.

पॉस्कोन कंपनी महाराष्ट्रमध्ये येणार होती. 2 लाख तरुणांना रोजगार उपलब्ध होणार होता. पण दिल्लीतुन फोन आला आणि महायुतीच्या नेत्यांनी कंपनी गुजरातला देऊन टाकली. आपला हा महाराष्ट्र कुणापुढे झुकला नाही. पण या महायुतीच्या नेत्यांनी पाप केलं आणि या महाराष्ट्रला दिल्ली आणि गुजरात समोर झुकावे लागले. पण तुम्ही आमच्या पाठीशी उभा रहा पुन्हा महाराष्ट्र कुणाच्या बापाच्या समोर झुकणार नाही, असंही त्यांनी यावेळई बोलताना म्हंटलं आहे.

दरम्यान, 'असं वक्तव्य करताना विश्वजित कदम गोंधळलेले असावेत', असं प्रत्युत्तर संजय राऊत यांनी याबद्दल बोलताना दिलं आहे.

Edited By Rakhi Rajput