काँग्रेस नेते राहुल गांधी यांनी दिल्लीतील इंदिरा भवनात पत्रकार परिषद घेतली. यावेळी त्यांनी महाराष्ट्र आणि कर्नाटकातील काही भागांत झालेल्या मतांच्या अॅडिशन-डिलिशन घोटाळ्याबाबत पुराव्यांसह माहिती सादर केली. यावेळी कर्नाटकातील काही मतदारही आले होते. त्यांनी व्यासपीठावर येत, '१४ मिनिटांत माझ्या नावे १२ अर्ज डिलिट झाले', असं त्यांनी सांगितलं.

'मी संविधानावर प्रेम करतो. लोकशाहीवर प्रेम करतो. हायड्रोजन बॉम्ब लवकरच फुटणार आहे. हे मतचोरीचे आणखी एक पुरावे आहे. मागच्यावेळेस मी अॅडिशनचा उल्लेख केला होता. आता डिलिशनबाबत माहिती देत आहोत. हे केंद्रीकरण आणि कॉल सेंटरच्या वापरद्वारे करण्यात आलंय', असं राहुल गांधी म्हणाले.