वायव्य मुंबईतून ठाकरे गटाचे उमेदवार अमोल कीर्तिकर यांचा अवघ्या ४५ मतांनी पराभव झाला होता. या प्रकरणी कीर्तिकरांनी मतमोजणी केंद्रावरील सीसीटीव्ही फुटेजची मागणी केली होती. पण हे सीसीटीव्ही देण्यास प्रशासनाने नकार दिला आहे. वायव्य मुंबईत मतमोजणी करताना गोंधळ झाल्याचा आरोप कीर्तिकरांनी केला आहे. या प्रकरणी कीर्तिकरांनी राज्य आणि केंद्रीय निवडणूक आयोगाकडे दाद मागितली आहे. पण जिल्हाधिकारी कार्यालयाने सीसीटीव्ही फुटेज नकार दिला आहे. नियमाप्रमाणे हे फुटेज देता येणार नाही असे स्पष्टीकरण देण्यात आले आहे.