विरार रेल्वे स्थानकातून सुटणाऱ्या लोकलमध्ये झुरळ आणि ढेगणं असल्याचा प्रकार समोर आला आहे. याचा प्रवाशांना प्रचंड त्रास होत आहे. चर्चगेट आणि अंधेरीसाठी सुटणाऱ्या लोकलमध्ये झुरळ फिरतानाचा व्हिडीओ समोर आला आहे त्यामुळे प्रवाशांमध्ये भीतीचे वातावरण आहे. लोकलमध्ये झुरळं फिरत असल्याचा एका जागरूक प्रवाशाने व्हिडीओ काडून सोशल मीडियावर व्हायरल केला. मंगळवारी दुपारी विरारवरून चर्चगेटला सुटलेली २.३८ वाजचाची लोकल, १.१४ वाजताची विरार अंधेरी लोकलमध्ये या झुरळांचा प्रवाशांना त्रास होतो. लोकलच्या डब्यात झुरळं फिरत असल्याने प्रवास करणारे लहान मुलं, महिला प्रवासी घाबरत असून रेल्वे प्रशासनाने याकडे लक्ष देऊन स्वच्छता करावी अशी मागणी करण्यात येत आहे.