उद्धव ठाकरे यांची प्रचार सभेच्या दौऱ्यादरम्यान हेलीपॅडवर बॅग तपासणी झाली होती. त्यावेळी त्यांनी या घटनांचे व्हिडिओ काढून व्हायरल करत राज्य सरकारवर टीका केली होती. त्यानंतर आता उपमुख्यमंत्री देवेंद्र फडणवीस, उपमुख्यमंत्री अजित पवार आणि मुख्यमंत्री एकनाथ शिंदे यांच्या बॅगची तपासणी करतानाचे व्हिडिओ देखील समोर आले आहेत. पालघर जिल्ह्याच्या सभेला जात असताना मुख्यमंत्री एकनाथ शिंदे यांच्या बॅगची देखील निवडणूक आयोगाच्या कर्मचाऱ्यांनी तपासणी केली आहे.

निवडणूक आयोग पक्षपातीपणा करत असून सत्ताधारी नेत्यांच्या बॅगा तपासल्या जात नसल्याचा आरोप उद्धव ठाकरे यांनी केला होता. त्यानंतर राज्यातील अनेक नेत्यांच्या बॅगा तपासतानाचे व्हिडिओ आता समोर आले आहेत. मुख्यमंत्री एकनाथ शिंदे यांच्या बॅगची देखील पालघर जिल्ह्याच्या सभे दरम्यान निवडणूक आयोगाच्या अधिकाऱ्यांनी तपासणी केली. या वेळी माझ्या बॅगामध्ये कपडेच आहेत, युरिन पॉट वगैरे नाही, असे म्हणत मुख्यमंत्री एकनाथ शिंदे यांनी नाव न घेता उद्धव ठाकरे यांना टोला लगावला.

Edited By Rakhi Rajput