Ajit Pawar : अनेक महिने होऊनही राज्यात रायगड आणि नाशिक या दोन जिल्ह्यांच्या पालकमंत्रिपदाचा तिढा अजूनही सुटलेला नाही. उपमुख्यमंत्री अजित पवार यांना या प्रकरणी पत्रकार परिषदेमध्ये प्रश्न विचारण्यात आले. तेव्हा प्रश्नांची उत्तरे देताना अजित पवार यांनी मुख्यमंत्री पालकमंत्रिपदाबाबत निर्णय घेतील असे विधान केले.

"वर्षानुवर्ष ते चालत आलेलं आहे त्या पद्धतीने देवेंद्र फडणवीस यांनी त्यात लक्ष घातलं आहे. लवकरात लवकर ते दोन्ही जिल्ह्याच्या पालकमंत्रिपदाची निर्णय घेतील. ते जो निर्णय घेतील. तो सगळ्यांना मान्य असेल. आम्ही महायुतीमध्ये काम करतो. आमचा कुठे दावा आहे आणि कुठे नाही ते तुम्हाला सांगायचं काम नाही. आम्ही आमच्या अंतर्गत समोपचाराने निर्णय घेऊ. राज्याचं हित, राज्याचं भलं आणि राज्याचा विकास करण्यासा एकत्र आलो आहोत. न भुतो न भविष्यती अशा प्रकारचे बहुमत मिळाले नव्हते. महाराष्ट्र राज्याची निर्मिती झाल्यापासून कोणालाही अशा प्रकारचं बहुमत कोणाला मिळाले नव्हते", पत्रकार परिषदेमध्ये अजित पवार असे म्हणाले आहेत.