इतिहास अभ्यासक इंद्रजीत सावंत यांना जीवे मारण्याची धमकी देण्यात आली होती. प्रशांत कोरटकर यांच्या नावाने इंद्रजीत सावंत यांना धमकीचा फोन आला होता. इंद्रजीत सावंत यांना धमकीचा फोन आल्यानंतर एकच खळबळ उडाली होती. मुख्यमंत्री देवेंद्र फडणवीस यांनी याप्रकरणाची दखल घेत पोलिसांना चौकशीचे थेट आदेश दिले.

कथित धमकी प्रकरणी कोल्हापूर पोलिसांनी इंद्रजीत सावंत यांचा जबाब नोंदवला आहे. कोल्हापूर पोलीस आज इंद्रजीत सावंत यांच्या घरी आले होते. पोलिसांनी धमकीचं कॉल रेकॉर्डिंगही ऐकलं, त्याशिवाय इंद्रजीत सावंत यांचा जबाब नोंदवला.

प्रशांत कोरटकर यांच्या नावाने धमकी आली होती, असे इंद्रजीत सावंत यांनी सांगितले. याप्रकरणी कोल्हापूर पोलिसांकडून कारवाईला सुरूवात करण्यात आली आहे. इंद्रजीत सावंत यांनी केलेले आरोप प्रशांत कोरटकर यांनी फेटाळले आहेत.