भरत मोहळकर, साम टीव्ही

लाडकी बहीण योजनेचे आतापर्यंत 5 हप्ते मिळाले आहेत. त्यामुळे डिसेंबरचा सहावा हप्ता कधी मिळणार? याचीच प्रतीक्षा आता लाडक्या बहिणींना लागलीय. हा हप्ता मिळणार की नाही अशी शंकाही लाडक्यांना आहे. मात्र मुख्यमंत्री देवेंद्र फडणवीस यांनी कोणतेही निकष न लावता लाडकी बहीण योजना सुरु ठेवणार असल्याचं सांगितलंय. एवढंच नव्हे तर डिसेंबरचा हप्ता अधिवेशन संपल्यानंतर महिनाअखेरपर्यंत मिळणार असल्याची घोषणाच मुख्यमंत्र्यांनी विधानसभेत केलीय.

विधानसभा निवडणुकीत महायुतीने लाडकी बहीण योजनेचा हप्ता दीड हजारावरून एकवीसशे करण्याचं आश्वासन दिलं होतं.. त्यातच आता लाडकी बहीण योजनेसाठी पुरवणी मागण्यांच्या माध्यमातून 1400 कोटी रुपयांची अतिरिक्त तरतूद केलीय... त्यामुळे लाडक्या बहीणींसाठी सहावा हप्ता डिसेंबर अखेरपर्यंत मिळणार असला तरी हा हप्ता दीड हजार मिळणार की एकवीसशे? याची उत्सुकता लाडक्या बहीणींसह महाराष्ट्राला लागलीय.