अक्कलकोट तालुक्यात ढगफुटी सदृश्य पाऊस झालेला आहे. महाराष्ट्र-कर्नाटक सीमावर्ती भागात झालेल्या मुसळधार पावसामुळे शिरवळवाडी साठवण तलाव ओव्हरफ्लो झाला आहे. या तलावातील पाणी ओसंडून वाहू लागल्याने वागदारी परिसरातील मोठ्या प्रमाणात शेती पाण्याखाली गेली आहे. त्यामुळे शेतकऱ्यांचे प्रचंड नुकसान झाले असून पिके उद्ध्वस्त झाली आहेत. महाराष्ट्रातील वागदारी व कर्नाटकातील हिरोळी परिसरात सलग पावसाने नद्या, नाले धोकादायक पातळीवर आले आहेत. शिरवळवाडी तलावातून पाणी वाढल्याने गावांचा संपर्क मार्ग बंद झाला असून नागरिकांना हालअपेष्टा सहन कराव्या लागत आहेत. या पावसामुळे सीमाभागातील जनजीवन विस्कळीत झाले आहे.