पिंपरी-चिंचवड : 'ब्लू व्हेल'ने आणखी एक बळी घेतला आहे. या ऑनलाईन गेममुळे अनेकांचे जीव गेल्याच्या घटना घडल्या आहेत. पिंपरी-चिंचवड शहरात 'ब्लू व्हेल' या ऑनलाईन गेममुळे १५ वर्षांच्या मुलाने इमारतीवरून उडी मारून जीवन संपवलं आहे.

आर्य श्रीराव असे आत्महत्या करणाऱ्या मुलाचे नाव आहे. आर्य चिंचवडमधील नामांकित स्कूलमध्ये दहाव्या वर्गात शिक्षण घेत होता. ब्लू व्हेल सारख्या गेममुळे तो प्रचंड आक्रमक झाला होता. त्याच्या घरातील एका खोलीत तासंतास ऑनलाईन गेम खेळायचा. २५ जुलैच्या रात्री त्याने इमारतीच्या चौदाव्या मजल्यावरून उडी मारत आत्महत्या केली.